”Kush gënjen”’, Rama vë përballë Lulzim Bashën dhe ambasadorin Lu

ID:20527
Published 27 Mars 2017


Ditën e djeshme në ‘TCH’ qarkullonte lajmi se Ambasada e SHBA-ve kishte shprehur se protesta e opozitës nuk mbështetej nga Ëashingtoni. Nga ana tjetër Lulzim Basha nga ccadra e protestës shprehej sërish sot se mbështetja për protestën është marrë.

Në mesin e të gjithës kësaj është kryeministri Rama dhe ka bërë një pyetje për të gjithë ndjekësit e tij: Kush gënjen?

‘’Shtetet e Bashkuara të Amerikës deklarojnë se asnjë prej çështjeve të mprehta të aktualitetit politik në vend nuk duhet të jetë shfajësim për bojkotin e Parlamentit, bllokimin e zgjedhjeve dhe Reformës në Drejtësi.

Në përgjigje të interesimit të Top Channel, ambasada amerikane në Tiranë tha se administrata e Trump nuk e mbështet protestën e Partisë Demokratike. SHBA apelon për dialog mes palëve.

Pas kthimit nga Shtetet e Bashkuara të Amerikës, Lulzim Basha ka deklaruar se ka marrë mbështetje për kauzën e opozitës, gjatë takimeve me zyrtare të administratës se Presidentit Trump si edhe me senatorë e kongresmenë.

Top Channel iu drejtua ambasadës së Shteteve të Bashkuara ne në Tiranë dhe e pyeti se në çadër zoti Basha duket se pretendon se ka mbështetjen e administratës Trump për protestën e PD. A është kjo e vërtetë?

Përgjigjja e një prej zëdhënësve të Ambasadës ishte kjo: “Jo. Qeveria e Shteteve te Bashkuara mbështet zgjedhje të lira dhe të ndershme, dekriminalizimin dhe luftën kundër narkotikëve, por këto çështje nuk duhet të përdoren si shfajësime për të bojkotuar Parlamentin, për të bllokuar zgjedhjet, apo për të vonuar zbatimin e reformës së gjyqësorit. Nxisim dialogun midis qeverisë dhe opozitës për t’i zgjidhur këto”, shkruan Rama duke cituar lajmin e ‘Top Chanel’. (E.K/SHUPLAKA)

 

 
 

Share on Facebook Share on Twitter